RSS

நட்சத்திரப் பலன்


தேர்தலில்
நட்சத்திரங்களும்
சூரியனும்
போட்டியிட்டன

பெரும்பான்மை பலத்தால்
நட்சத்திரங்கல் வென்றன
சூரியனுக்கு
டெபாசிட்பறிபோனது

நட்சத்திர அரசாங்கம்
அமைந்தது

வெளிச்சத்தைப் பேசச்
சூரியனுக்குத்
தடை விதிக்கப்பட்டது.

இருள்
அரசாங்கக் கொள்கையாயிற்று

தூக்கம்
தேசியத் தொழிலாக
அறிவிக்கப்பட்டது.

தாலாட்டு
நாட்டுப் பாடலாயிற்று

தீபங்களின் நாக்குகள்
துண்டிக்கப்பட்டன

இரவுராணிகளின் வாசம்
ஊரெங்கும்
உலா வந்தது

சூரிய காந்தி
பயந்துபோய்
நட்சத்திர காந்திஎன்று
பெயர் மாற்றிக்கொண்டது

அரசாங்கத்தின் முதல் சாதனையாகப்
பாயும் தலையணையும்
இலவசமாக வழங்கப்பட்டன

கன்னக்கோல்களுக்குக்
கொண்டாட்டம்

தாமரைகள் மட்டும்
கூம்பிக் கிடந்தன
குனிந்து.

                                                              - கவிக்கோ.அப்துர் ரஹ்மான் -

Post Comment

  • Digg
  • Del.icio.us
  • StumbleUpon
  • Reddit
  • RSS

2 comments:

Mohamed Faaique சொன்னது…

வாசிக்கும் போது பிரமித்துப் போய் விட்டேன். உங்களுக்குள் இப்படி ஒரு திறமையா’னு? கீழே பார்த்தா, கவிக்கோ.....
நல்ல ஒரு கவிதையை பகிர்ந்திருக்கிறீர்கள் நன்பா.... நன்றி

aiasuhail.blogspot.com சொன்னது…

@Mohamed Faaique

நன்றி நண்பா.
எனக்கும் இப்படி எழுத முடியும். ஆனா... ஆனா என்ன நேரம்தான் கிடைக்கமாட்டேங்குது... ஹி ஹி